نصآئح لـ تصبح مصمم محترف ~

[SultaN]

* اقرآها كاملة ولا تتجاهل اي حرف رآح تفيدك بآذن الله

السلآم عليكم

كيف مبدع عآلم ادوبي

والله هالنصآيح من تجربتي الشخصيه , والله انا من النآس الي مسوي هالحاجات والحمد لله في وقت قصير كل فترة يتطور مستوآي
كثير من الناس ما يدري من وين يبدا بـ الفوتوشوب او اي برنآمج تصميم او اي برنآمج اخر ~
طبعاًَ هالنصآيح ماهي للـ فوتوشوب هالنصآيح لجميع الـ برآمج
فيه نآس الله والعفو .. توه متعلم للفوتوشوب يبي يطير للقص والطقه
يا سلطان انا رجال توني مبتدا بالفوتوشوب وابي اتعلم الفوتوشوب
حلو يابو فلآن وش تبي تتعلم ..؟!
والله بتعلم الرسم الالكتروني
لا كذا ما راح تتطور بالعكس كذا تتعقد اكثر واكثر ويمكن تكره الفوتوشوب او الحاجة الي تبي تتعلمها
لانك نقز من المستوى الاول الى الاخير
تتوقعون لو وآحد قفز من الدرج من الدرجة الاولى الى الدرجة العشرين تتوقعون وش يصير فيه ..؟!
يبي يتكسر ويمكن يموت لا سمح الله
وهذي حالة المصمم بعد , لو بدا من الصفر ويبي يوصل بيوم وليلة للآحترآف رآح يفشل ورآح يموت حماسه
لان فيه اشياء ما عرفها بالفوتوشوب والقوآئم وغيرها وغيرهآ ..
حاول تبدا حبه حبه .. ودرجة درجة بـ تشوف انك بتوصل لدرجة الاحترآف بـ وقت قصير
وطبعا الفوتوشوب عالم كبير .. كل ما تتعلم شي تبدا تتعلم ماله نهايه ..
والفوتوشوب احترافه على حسب خيال الشخص وفلسفته
وكثير من الاشخاص الي مبتدئين او غيرهم الله يهديهم
يطفش بسرعه .. يفتح الفوتوشوب ويصمم ولو طفش ولا ما قدر قفل الفوتوشوب وقال طفشت
لازم تخلي جدولك بالفوتوشوب يومياً اقل شي ساعتين على الفوتوشوب ..
وحاول تصمم , ولو تقلد بالبداية .. تشوف تصميم وتسوي مثله .. طبعا تخليه لـ نفسك مو توريه
احد بس فقط تقليد لكسب الخبرة .. ومع الوقت بتشوف الناس تقلدك
وفيه كثير , يشوف تصميم يقول ما اتوقع اصمم مثله
طيب ليش يآبو فلآن ..!؟
والله صعب !
ليش صعب ..؟!
شوف حركة الموج الي بالتصميم !
طيب هو رجال عنده نفس الفوتوشوب الي عندك وكلكم كمبيوتر وكلكم من شركة ادوبي !
لا يا رجال هو فنان !
طيب وشو انت .. هو كان مثلك مبتدأ وتعلم لما صار فنان ومحترف
وانت تقدر تصير مثله !
الفوتوشوب ما يوقف على الجهاز او غيره .. التصميم والفوتوشوب يوقف على خيآلك وخبرتك
ولو نقول ما نقدر وما نقدر بـ كذآ ما طلعنا رزق ولا استفدنا شي
وحاول تصمم تصمم لما يخيب سدك < كلمة شماليه
يعني لما يطلع الفوتوشوب مع مخك .. بالبداية رآح تتعب ورآح تغلط ورآح يصير فيه اخطاء بالتصميم
لكن ما عليك من احد نزله بالمنتدى واستفيد من نصآيح الاعضاء ,
وكثير من الاعضاء يستحي يقول فلآن تصاميمه حلوه لو انزل تصميم يضحكون علي او ما اقدر اوصل لمستوآهم
بالعكس نزل واستفيد منهم .. وحاول تعدل اخطائك
ولا تستحي من شغلك .. ورآح تكون بالبداية اخطاء كثيره بالتصميم ومع الوقت بتختفي الاخطاء وتصير مصمم ما عليه كلام
وكل الناس والمصممين كانو مثلك يخطون .. وكانت تصاميمهم من جنبها
لكن من اصرارهم على الاحترآف وصلو للمكانه الي وصلو لها الحين ,

انا من الناس الي اجلس على الفوتوشوب لفترة ما تقل على الـ 5 ساعات يومياًَ ..
والفوتوشوب ما يقفل عندي من تحت لما يقفل الجهاز ..
وجهازي ما يطفي الا ريستار سريع < كارفه كرف
ولا الحين جالس اتعلم واتعلم .. والحمد لله وصلت لـ مرتبة بالفوتوشوب حلوه
لكن اطمح لـ اكثر واكثر واكثر واكثر .. والفوتوشوب على خيآلك
وحاول انك تختار ناس تقدر التصميم وتفهم فيه .. وتسآلهم عن تصميمك وتوريهم
مو تروح لواحد حق ديجيه تقوله وش رايك بتصميمي اكيد بيكسر جناحانك
لانه ماهو فاهم بالمجال هذا
لكن حاول تسأل ناس اهل خبرة .. ورآح يعطيك الاخطاء الي بتصميمك .. ورآح يعلمك وش الصح وش الخطا
واذا جيت تبي تصمم حط حالك الظهور دون اتصال او قفل الماسنجر
مو يجي واحد يكلم فلآن وفلآنه ويصمم بـ كذآ لو تصمم تصميم حلو بس مآ راح تصممه كامل رآح يكون فيه اخطاء لان مخك مشتت
وحط تركيزك بالتصميم وفكرته بس
وبعضهم يجيك يمشي مليون .. يقول بـ صمم .. وش فكرتك يا فلآن .؟!
والله ما عندي فكرة بس بصمم .. طيب كيف تصمم وانت ما عندك فكرة من الاساس او لك مقصد من وراء التصميم
اهم شي يكون لك هدف بالتصميم .. او فلسفة فيك

طيب يا سلطان وش رآيك بـ جودة الصور والتصميم لها هدف من التطور بالفوتوشوب ..؟!
انا اعتبره من العامل الاساسي لـ تطور والاحترآف بالفوتوشوب هي الصور وبجودة عالية والتصميم بجودة عااليه
رآح يفتح نفسك لـ شغل ام يجيب لي واحد صور مقاسها 500 × 600 والجودة تصوير جوال ويبي يصمم عليها
اصلاًَ تتعبك بالقص .. وتتعب عيونك بالتصميم ..
لكن لو تختار لك صور .. جودة عاليه وتصوير اوكي .. وكبيره بتحس حتى نفسك تنفتح لـ تصميم ..
بوريكم بعض مقآسات وحجم الصور الي استخدمهم لـ تصميم /

شفتو كم الـ حجم و المقآس ..؟!
وهذا والحمد لله الي يخلي قصي لآ بآس به
وتصاميمي بـ جودة عاليه !

وآي شخص يبي ينزل تصميم ومستحي وفيه اخطاء يرسله لي وابشر بالي يعطيه الاخطاء
واي شخص معجبته حركة بالـ تصميم ويبي يتعلمها لا يرده الا لسانه

اهم شي الممارسة ثم الممارسة ثم الممارسة بالفوتوشوب
اقل شي ساعتين باليوم
ولا تحطم نفسك بـ نفسك بالعكس شجع نفسك اكثر واكثر
واهم شي اختيار صور بجودة عاليه . والديفنت ارت مليآن صور بجودة عاليه
واهم شي الفكرة .. قبل بدا المشروع .. وتطوير الافكار ..
واهم شي تشوفون تصاميم المصممين المحترفين والاستلهام منها


هذا الموضوع من تجربتي الشخصيه .. ومن كتابتي ..

وآن شاء الله النصآيح تفيدكم

 

[" نزف المشاعر "]

بصرآحه يآ سلطآن مآقصرت ،

موضوع جداً رآئع

وبآلفعل كلآمك سليم ميه بالميه وآلله ،

آلله لأآ يهينك ،

آرقى تحيه ،

[‹ нήσOσỳْ ›]

ماشاء الله عليك أخوي فعلا ماخليت لنا ولا نقطه نضيفه لك ,
تكلمت عن كل شي يهم المصمم , وفعلا الواحد لزم يتخلص من
تحطيم الذات والله ي سلطان واحد من العيال يقول ابي اتعلم والله اعطيته
دروس ودورات جاني اليوم الثاني يقول ياخي مدري كيف صعبه بغيت اقول خساره فيك الدروس
يعني ناااس كثير ودهم ع طول زي ولد عمتي يقول ابي ع طول اصمم لا ي امك ,
يعني تمسك الماوس تقص الصوره تضغط ع الكيبورد تحط التاثير الا مافيه مثله وقسسم تبطي عظم ,

لزم الواحد حبه حبه وفعلا زي ماقلت الواحد يقلد وكمان يفضل انه يقلد بدون مايشوف الدرس
علشان يحوس يحوس وترسخ المعلومه في راسه ,

	واذا جيت تبي تصمم حط حالك الظهور دون اتصال او قفل الماسنجر

وان شاء الله اسوي مثلك اقفل الايميل وقت ماحبيت اصمم
في الاخير يعطيك الف عافيه سلطان ماقصرت بيض الله وجهك ,,
واعتذار ع الاطاله , ودي

[‹ гǾmăń†įČْ ›]

*


مرحبـــآ سلطآن /

تدري نصآيحك قعدت أستوعبهآ
زين وأرجع أقرآها وأشقلبهآ بـ رآآسي
محتآجه لـ نصآيح أو بالأحرى دآآفع عشآن أصمم
أنا مبتدئه قريب يمكن لي حول شهرين أو ثلآث
حسيت ان تصآميمي نفس الـ ستآيل مافيهآ
شي جديد لـ درجة اني مليت من تصآميمي
يعني لمّآ جيت أتعلم , تعلمت كم نقطه وخلآص مشيت عليهم
ومن كلآمك حسيت انها من الأخطآء الفادحه
لأني مره أتعلم شي بسيط وأطبّق عليه ومرّه أشططح فووووق
وفي الأخير رسيت على تصآميم عآديه مافيهآ
شي من الخيآال أو اللعب بـ الأفكآر /
حتى اني أشوف تصآميم تعجبني مرره ودي أبدع مثل غيري
بس قلت بـ التعلّم شوي شوي وحبّه حبّه ان شاءالله ببدع ]
وتبي الصدق ماأطوّل كثير ع ــالفوتو يعني أسوي تصميم
وآحد وأقفل ,’ ماأحآول أطلع أفكآر :/
مع العلم إني أحب الفوتوشوب جدن
بس لمّآ أفتحه ماأطلع بـ شي غريب .,, }



.

.

.

كلآمك جدن رآئع يـَ سلطآن
ونصآيحك حسيت انهآ قريبه مني مره بـ حكم إني مبتدئه /

عآفآك الله يـَ سلطآن وأدآم عليك هذه الموهبه الجميله } ~


شكراً } ,,

,’

[| AbdallaH ●]

.
هآإآإآي سليطيين <~ ما يقط نغزآت

و الله يا سليطين نصآئح احسها فادتني
و اسسلوبك جدآ ممتع يا صديقي
يخلي الوآحد يقرآ و يقرآ و يقرآ ...
و يحآول يسستعوب شويآت و يعييد حسآبآته و اعماله
و يششوف اخطآئه بالعين المجرده <~ ترى جلست اعصرر مخي 10 دقايق على ما اطلع هالجمله لحد يسسرقها

و ان شاء الله راح تشووف تقدم بإذن الله ..تقدم ملحووظ

بس بالنسسبه لصصور يآ خي تعبت من كثر ما ادور
صور بجوده خيآليه طبعا ابغى صور ع مزآجي
يا ليت تحط لنآ كم مصصدر لعضويه بصورهم الدقيقه جدآ

سسسلمت يديك على هيك أحرف جدآ امتعتنآ و افدتنآ
.
.
,

[" aйεεй DέsîgйεЯ "]

يعطيك لف عافيه اخوي ستوني

بجد كلامك 100 % واتمنى الكل يقرى بتمعن

لان معلومات ونصايح اتمنى الكل ياخذها بعين الاعتبار

بس الاول والاخير لازم الممارسه مثل ماقلت

وعساك على القوة

[Mnoy]

وعليكم السلام والرحمه ,
كلامك ع العين والراس وصدقت بكل كلمه قلتها ,
وزي ماقالت أخت гǾmăń†įČ محتاجين دافع عشان نبدع باللي نقدر عليه ,
صح نسوي باليوم كذا تصميم وعيبنا علطول نقارنه بتصاميم غيرنا ,
نبي علطول نصير مثلهم ,
انا قبل كنت اشوف تصاميمك أخ سلطان ببرنامج الرسم ,
كنت أبي اصير مثلك بسرعه كذا غلط × بيصير شغلي أغلبه غلط بغلط ,
لو تعلمت خطوه بخطوه وعرفت غلطي من صحي ,
يمكن اصير محترفه بإذن الله ,

	لا تستحي من شغلك .. ورآح تكون بالبداية اخطاء كثيره بالتصميم ومع الوقت بتختفي الاخطاء وتصير مصمم ما عليه كلام

..
بس عيبنا نبي نتعلم الشي بسرعه وبدون جهد :م ,
وهذا الأغلبيه ولا يهونون ,

	حاول تسأل ناس اهل خبرة .. ورآح يعطيك الاخطاء الي بتصميمك .. ورآح يعلمك وش الصح وش الخطا

عيني عليك بارده بهالكلام بعضهم كذا يصممون ويورن اللي ماعنده خبره او مو متمرس بهالبرنامج ,
ويقارنه بتصاميم غيره ويحطمه , < مانساها كلمت هنوي لي :D
ممم كلامي مرا ملخبط ,
يعطيك العافيه ع كلامك وبإذن الله بتشوف منا كل شي يعجبك :) ,


(F)

[تآلينَ]

-

ي هلآآ :$
كلآمكْ كللهَ صحيحْ آخوٌيْ ، وآهمممْ
نقطهَ " الصبرِ " ، محدْ بيتعلمْ شئ بثوٌآنيْ
كله يجيْ حبهَ حبهَ /

الله يعينكمّْ وَ يوٌفقكمْ آجمممعَ
سلمٌتَ :$

وعَ فكرةْ منتدآكْ رآئعَ
عقببآلْ م نششوٌفهْ شئ كبيييرَ

[‹ нήσOσỳْ ›]

	أنا مبتدئه قريب يمكن لي حول شهرين أو ثلآث حسيت ان تصآميمي نفس الـ ستآيل مافيهآ شي جديد لـ درجة اني مليت من تصآميمي

بعد اذن سلطان حبيت ارد للانه كلامك مثل ماصار معي
والله ياكنت فوق اكثر من شهر خام واقص الصوره واغير المود وكذا
الين الاغلبيه لاحظو كذا قالو غير مع الايام تغيرت مو عيب تركزي ع اسلوب
بس اهم شي تتقنيه زين ..

واتمني للجميع التوفيق ..
ودي

[عبودي#]

نصآئح رآئعه
الفَ شكرُ ..